Home

Fek Bulu/Sagesse Boulou/Boulou Wisdom
 

Introduction

Bulu a bili minkana ya mia ve fek, nge ke na mia liti bia zen ya mam m'ézin a zôsô. Efas ji j'aye liti wo abui minkana ya fe'e bulu. Nge w’aye yen évus ézing ngeke jôm ézing j’asili nkôman, bi aye yen mevak nge w’aye bia kat.

Le Boulou comporte beaucoup de proverbes et expressions de sagesse. Cette section donne une liste de ces proverbes. Si vous trouvez une erreur ou une correction jugée nécessaire, nous apprécierions que vous nous le fassiez savoir

The Bulu language has many proverbs and wise expressions. This section provides a list of some of the proverbs. If you find an error, a mistake, or a correction that should be taken care of, we would appreciate your letting us know.
 
N° NKANA ATINAN
51 Beta ngaé te dañe kpwem Mveane ônji dañ amu nkukum
52 Beyeñ abum, bemie jale abum Te mane ve beyeñ biom bise
53 Biane be kup ave be kup ntyel Avale bifia biziñ bia bo bôt ve tyetebe
54 Bibañ bia ke fé bia woé anon éyoñe wo kôbô môt ô lôô a too awok a bim
55 Bilé bi ne minté mbie bia kalane be koé E bôt bene zia mam mbe ba laane minlañ
56 Bilé bi tele vôme wua, bia siñelan Mejô me ne kui éyoñ bôte be to vome wua
57 Biôm bi ntañan bi ne asu ane okpweñ Efunan
58 Bivôé bi ne bive’ela bi ndum  
59 Bobenyañ be nga yene nye ane ésingui, nde meku’aze Eyoñ ba yene nye be biasé’é, nde mbo mam
60 Bômbô mongo te kandane menyume me fôn Jame mongo éne te kandane fulu mongo
61 Bongo ba wu mgbwele be si’ako na bivoé, ve be nyabôtô ba wu amu mbane nkeane Mongo awu été amu ndimane ve nnom nkut awu amu ndôba’ane
62 Dene nyi, akiti ke aya ? éyoñ môt ane belane jôm éyoñe jia
63 é didi minkoñ mi tele je, môt aye di élop Ebobo mame mi tele je, môt aye bo jame da wôé émien
64 E tit éne ayap njem éne te fame ébas Môt a bili abui nsamba a ne te kandane zo’oé
65 E vite bikum a njembane be mi’a éyoñe wo belane môt ônji kombô
66 E wua be wo’o a njembane be ngôé éyoñe wo belane jom onji kobo
67 Ebane ékusa tabe mendime mimbu ayap évo’o veñsane kos Môt a kosa tabe éza ayoñ avo’o ke bo mone ayoñ ate
68 Ebane jia énga ye’e Ntem Ngône jia énga fôlé ayoñ
69 Ebôle tite ja sôban a mendim Ebol ajô ja soban a me nyu me bôt
70 Ebone minga te sobô môs abiaé Jam ekusa sobô ve môs éziñ d’aye kuleban
71 Ekaka minlo’o anga ka mvôfôm  
72 ényiñe môt éne ane nlô nyat Enyiñe môt éne abui mam
73 Eto mbime ése me leba’a éyoñe jam ékuiya, môt ase ayeme jam ayiane bo
74 Etome éne abé ya ya’ane e ji éso a te lik, ve ji womiene wo te sep éne fo’o ve ya’ane je Môt ase a nyoñ njuk ya mame mé
75 Eyoñ ôsun ôbete éza abin, o nga so ngondô Te nene éza jam
 
 
 
Mvus Copyright © 2008-2011, Culture Vive ôsu