Home

Fek Bulu/Sagesse Boulou/Boulou Wisdom
 

Introduction

Bulu a bili minkana ya mia ve fek, nge ke na mia liti bia zen ya mam m'ézin a zôsô. Efas ji j'aye liti wo abui minkana ya fe'e bulu. Nge w’aye yen évus ézing ngeke jôm ézing j’asili nkôman, bi aye yen mevak nge w’aye bia kat.

Le Boulou comporte beaucoup de proverbes et expressions de sagesse. Cette section donne une liste de ces proverbes. Si vous trouvez une erreur ou une correction jugée nécessaire, nous apprécierions que vous nous le fassiez savoir

The Bulu language has many proverbs and wise expressions. This section provides a list of some of the proverbs. If you find an error, a mistake, or a correction that should be taken care of, we would appreciate your letting us know.
 
N° NKANA ATINAN
01 A Mesete ye mesiñ te tyamé va ana? Nalé na zô’ôé ja be boban wo o nto ve ôlun ôlun
02 A nkongo za a mvôtô? Eyoñ mia môt mi ate kandan metyiñ nye ve ku
03 A wô’ô na besôm ba koé ngone Zuameyong wo’o ke bingôbindôñ bap Wo te yeme jame da boban oviane ke tebe vene zemte
04 A yeñ a bongo a nga so mimbane Môt a wulu a bongo a ne kom ve same
05 Abé nyia mintyañ mintyañ, mone ve nyañ Môt woé akusa bo avale ese ané ovo’o bene nye
06 Abim otonon nde dumba’a Abime ngule môt éné abime te fe mebelan
07 Abôk ese ngone nyô be na fé éne te miel Nge be ve mia môte ngap omane belane amu ayeme na bé beta ve mia nye ve kune émien
08 Abôk ese wo ébon onzeme beta ébañ minkôk E jam énji fômbô wo oviane yengane été
09 Ajo awulu falak, nkate a wulu nseñ Ajô ése da kulan
10 Ajo di éne mbile Ze Nka’a Oli’i afan bidim, okele nye nlam bidim
11 Ajo ete éne abom ane kôé Ene été
12 Akap akap mvoé, afome afome mvoé, nwoka’ane akeke meduane Bôt ba wulu nsamba be ne avale mefulu da
13 Akap éne ékôla Bikpwé
14 Ake’aba ato be miene Eyoñ ngaé éne aba môt ase ayeme nyô ngal ate lom
15 Akôlô va a tabe va a nga ve nya môtô ongbwatengbwat Nlitane fulu éjijin
16 Akuñ anga so nkame azôme azuli zamtane wô me zame ntut, ba anone anga tu’i awu Bebé na mbia môt ake so mbia foé a zuli su je ayoñ été zô’ôé éviane sulane ayoñ été
17 Akut e bili mbon, minfefek mi nga zu bikone Fulu akut ezañ minfefek
18 Alu e kusa tabe ayap, tyé ja’ye fe lendé Jam e kusa tabe ayap da ye fe man
19 Ane ba sôp ébône ngon ôsôé, metyi ve kui Ebiasé
20 Ane be liti nko’é mekan Te ke fe jibi
21 Anone da kune tyé melendé nde da bômbô abum Môt a bo évévé ya bi jam éziñ nye a jia bi de
22 Anto jé ye biôme bi ébône bi Mvelle Ako’o Bi nga too ébiibi, fili
23 Asôk da nyiñ mvuse mevembe Bôt béziñ ba nyiñ mvuse ba bevok
24 Asôk éne te sôk ésô’ô sô’ô Eyoñ môt abo jam éziñ, nde b’alôme nye na abo de
25 Asoñ da énga bole anyu Môte wua ane ndamane ngume ayoñ
 
 
 
Atata'a Copyright © 2008-2011, Culture Vive ôsu