Ayañ ba Sesolô

Ayañ a mbe mmiaé Sesolô. Melu mese, éyoñ a yen ônon, ve bi, a min. Môs éziñ, vian ô nga faé. Nde a nga loene Sesolô, nye na,

« Za’a bi ke wobane vian ».

Sesolô na,

“Eké ! Ayañ, m’ayeme wo, w’adañe ézezam”,

Ayañe na,

« Momo, m’aye bo wo jôm. Za’a bi ke wobane vian”.

Nde be nga kôlô a ke.

Eyoñ be nga kui vôme ya mfaévian, Ayañe na,

“Za’a ke bebe me ôsu valé”.

Sesolô ve ke bebe. Nye na,

“Mvam, tya’a tyak ! Mvam, tya’a tyak !”

Eyoñ Akôtô’ô a nga wô’ô nkobô ôte, nnye ke ve so. Nye na,

“A tô’ô tôk, a tô’ô tô’ô mvam. A tô’ô tôk, a tô’ô tô’ô mvam”.

Ayañe ke d’azu d’abete nlô, akekui a nga bi Sesolô, ve min. Ane Akôtô’ô a nga jô Sesolô na,

“O dañeya akut. Amu jé w’ate kôme ke vôm Ayañ a te loene wo ?

Sesolô a wu ana.